१२ भदौ, तुलसीपुर । नेकपा माओवादी केन्द्रकी नेतृ रेखा शर्माले आगामी निर्वाचनमा पार्टीलाई एक्लै लड्ने अवस्थामा पुर्याउन नेता तथा कार्यकर्तालाई निर्देशन दिनु भएको छ ।
मङ्गलबार माओवादी केन्द्र तुलसीपुरले आयोजना गरेको भेटघाट कार्यक्रममा उहाँले यस्तो बताउनु भएको हो । पूर्वसञ्चार तथा सूचना प्रविधिमन्त्री समेत रहनु भएकी शर्माले एक्लै चुनाव लड्नका लागि माओवादी घटकबीच एकता आवश्यक रहेको बताउनु भयो ।
त्यस अवसरमा पार्टीका निर्वाचन आयोग संयोजक कुवेर वलीले पार्टीभित्र गुटबन्दी हुन नहुने बताउनु भयो । पार्टी केन्द्रीय सदस्य तथा लुम्बिनी प्रदेशका पूर्वअर्थमन्त्री धनबहादुर मास्कीले माओवादी केन्द्रको जनमत घट्दै गएकोप्रति समीक्षा हुनुपर्ने बताउनु भयो ।
The post एक्लै चुनाव लड्नका लागि माओवादी घटकबीच एकता आवश्यकः नेता शर्मा first appeared on Khabar Breaking.
