१९ मंसिर, काठमाडौँ । आज स्वर सम्राट् नारायण गोपालको ३४औँ स्मृति दिवस मनाइदैं छ । उनको ३४औँ स्मृति दिवसका अवसरमा नारायण गोपाल संगीत कोषले नारायण गोपाल सम्मान र संगीत पुरस्कार वितरण गर्ने भएको छ ।
नेपाल कला संस्कृति विकास केन्द्रले पनि विभिन्न कार्यक्रम आयोजना गर्ने जनाएको छ । कार्यक्रममा कलाकारहरूले नारायण गोपालका गीतहरू गाउने भएका छन् ।
स्मृति दिवस पारेर नारायण गोपाल संगीत कोषद्वारा हरेक वर्ष प्रदान गरिँदै आएको ‘नारायण गोपाल स्मृति सम्मान २०८१’ यो वर्ष पनि विभिन्न संगीतकर्मीहरूलाई प्रदान गरिँदै छ ।
कोषले विज्ञप्ति जारी गर्दै गीतकार शिवशंकर थापा, संगीतकार बुलु मुकारुङ तथा गायक कुमार बस्नेतलाई जनही नगद ५१ हजार रुपैयाँसहित ताम्र पत्र र दोसल्लाले सम्मान गरिने जनाएको छ ।
The post आज स्वर सम्राट् नारायण गोपालको ३४औँ स्मृति दिवस first appeared on Khabar Breaking.
अमेरिका खबर इडिटरियल
