आगामी आर्थिक वर्षको नीति तथा कार्यक्रम वैशाख १९ गते राष्ट्रपतिले प्रस्तुत गर्ने
१६ वैशाख, काठमाडौं । सरकारले आगामी आर्थिक वर्ष २०८२/८३ को नीति तथा कार्यक्रम यही वैशाख १९ गते ल्याउने भएको छ । मंगलबारको प्रतिनिधिसभा बैठकमा सभामुख देवराज घिमिरेले यससम्बन्धी जानकारी गराएका हुन् ।
उनका अनुसार राष्ट्रपति रामचन्द्र पौडेलले वैशाख १९ गते दिउँसो ३ बजे संघीय संसदको संयुक्त बैठकलाई सम्बोधन गर्ने छन्। सरकारको नीति तथा कार्यक्रम संघीय संसद्को संयुक्त सदनमा राष्ट्रपतिले प्रस्तुत गर्ने संवैधानिक व्यवस्था छ । उक्त बैठकमा राष्ट्रपति पौडेलले सरकारले तयार पारेको नीति तथा कार्यक्रम वाचन गर्नेछन्।
त्यसदिनको बैठकमा सहभागी हुँदा राष्ट्रिय पोशाकमा रहनुपर्ने लगायतका प्रावधान रहेका छन् । यसबारे सभामुख घिमिरेले संसद्मा जानकारी गराएका हुन् ।
