🎄 Holiday Season Special
अमेरिकी दूतावासको वक्तव्यबारे राजनीतिक दल किन मौन ? सतर्क रहन ढकालको आग्रह
काठमाडौं । पेशागत महासंघ नेपालका अध्यक्ष पून्य प्रसाद ढकालले हालै सम्पन्न प्रतिनिधिसभा निर्वाचनपछि अमेरिकाको काठमाडौँस्थित दूतावासले जारी गरेको वक्तव्यबारे राजनीतिक दलहरू मौन रहेको भन्दै यस विषयमा गम्भीर भएर सोच्न र सतर्क रहन आग्रह गरेका छन्।
आइतबार सामाजिक सञ्जाल फेसबुकमार्फत आफ्नो धारणा सार्वजनिक गर्दै ढकालले अमेरिकी दूतावासले नेपाली जनतालाई निर्वाचनका लागि बधाई दिँदै अब बन्ने सरकारसँग समृद्धि र सुरक्षासम्बन्धी सहकार्य गर्न तयार रहेको उल्लेख गरेको विषयप्रति ध्यान दिनुपर्ने बताएका हुन्।
ढकालले यस्तो वक्तव्यपछि पनि देशका राजनीतिक दलहरू चुप बसिरहेको भन्दै प्रश्न उठाएका छन्। उनले राष्ट्रिय हित र स्वाधीनतासँग जोडिने विषय भएकाले यसबारे सबैले सचेत भएर सोच्नुपर्ने बताएका छन्।
फेसबुकमा उनले लेखेका छन्, “यस निर्वाचनलाई अमेरिकी दूतावासको वक्तव्यमा नेपाली जनतालाई बधाई दिँदै अब बन्ने सरकारसँग समृद्धि र सुरक्षासम्बन्धी सहकार्य गर्न तयार रहेको भनिएको छ। यस विषयमा राजनीतिक दलहरू किन चुप छन् ? सतर्कता अपनाउनुपर्छ, सोचौँ।”
ढकालले यस्ता विषयमा देशको हितलाई केन्द्रमा राखेर राजनीतिक दलहरूले स्पष्ट धारणा राख्नुपर्ने आवश्यकता पनि औँल्याएका छन्।
This content is sourced from khabarbreaking.com. All rights reserved. Used under fair use or with permission. Complies with copyright laws in USA, Europe, Japan, Australia, South Asia, and Nepal.
