२१ साउन, काठमाडौं ।देशभर रहेका लेखा परीक्षकहरूको संस्था नेपाल अडिटर्स एशोसियन (अडान) ले आफनो १९ औँ स्थापना दिवस मनाएको छ । शनिबार काठमाडौंमा स्थापना दिवस मनाएको हो ।
उद्घाटन समारोहमा अर्थमन्त्री पौडेलले अहिले देखिएको आर्थिक सङ्कट अस्थायी रहेको र क्रमशः सुधार हुँदै आइरहेको बताए । जसका लागि अडिटर्सहरूको भूमिका महत्त्वपूर्ण हुने पनि उनले बताए ।
लेखापरीकहरूलाई सम्बोधन गर्दै मन्त्री पौडेलले अर्थतन्त्रमा रहेको समस्या हल गर्न मौद्रिक नीतिमार्फत सम्बोधन गरेको बताए । उनले वित्त नीति मार्फत पनि सरकारले आर्थिक क्षेत्रका लागि कार्यक्रमहरू ल्याउन लागेको उल्लेख गरे । सुशासनको महत्त्वपूर्ण कुरा लेखा परीक्षणसँग जोडिएको बताउँदै उनले एकाउन्टेन्स र अडिटिङमा पारदर्शीता कायम गर्न ठूलो भूमिका रहेको बताए ।
यस्तै, नेपाल राष्ट्र बैंकका गभर्नर अधिकारीले मौद्रिक नीतिले परिवर्तन गरेका व्यवस्थाले निजी क्षेत्रको मनोबल उच्च बनाएको बताए । अडानको १९ औँ स्थापना दिवसको अवसरमा आयोजित कार्यक्रममा बोल्दै उनले मौद्रिक नीतिले परिवर्तन गरेका व्यवस्थाले निजी क्षेत्रको मनोबल उच्च बनाएको बताए ।
मौद्रिक नीतिको असरले उद्योगी व्यवसायी, बैंकर्स र सर्वसाधारणको गिरेको मानसिकता र मनोबल उठेको पाएको भन्दै उनले गिरेको मनोबल उच्च बनाउन निजी क्षेत्र, सरकारका सम्बन्ध निकायहरूको महत्त्वपूर्ण भूमिका रहने बताए।
The post अडानको १९ औँ स्थापना दिवस भब्यरुपमा सम्पन्न first appeared on Khabar Breaking.
